اصنع بنفسك : كيفية عمل حامل للمجلات

في البوست ده عاوزة اوريكو ازاي نعمل حامل للمجلات من الكرتون سهل كدة و رخيص جدا و يُعتمد عليه لو عندك مجلات .. كتب صغيرة او دفاتر او اي كراكيب هنا و هناك ف المكتب ممكن تعملي الحامل الجميل ده و تلمي كل الكراكيب في غرفة المكتب او رسومات ابنك الصغير دلوقتي .. ايوة دلوقتييييي

هتحتاجي

1 - اي قطعة كرتون عندك
2 - كتر او سكينة تقطيع ولوحط تقطيع
3 - صمغ قوي او مسدس شمع
4 - ورق تغليف
5 - ورق ابيض

اظن الحاجات دي موجودة في معظم البيوت .. و بتكون متوفرة بسهولة و مش محتاجة تشتري حاجة مخصوص

1 - هتقطعي الكرتون زي ما هو موضح في الشكل اللي جي

 و محدش يقولي ايه درس الحساب اللي معيشانا فيه ده... انتي لو حطيتي مكان حرف الاكس أي رقم انتي عاوزاه هتعرفي تجيبي بقيت الارقام  الاكس ده طول المجلات و الواي دي العرض اللي عاوزاه .. كل ما يكون كبير كل ما هيشيل مجلات اكتر  و زد ده عمق الحامل جوة المكتبة او جوة الرف و ده بيبقى نفس عرض المجلة او اكبر انتي براحتك

2 - جمعي بقى القطع بتاعة الكرتون اللي قصتيها زي ماهو موضح بالشكل

3 - كل اللي فاضل انك تغلفي بورق التغليف من برة و بالورق الابيض من جوة و خلاااااااااااص 

اتمنى يكون البوست عجبكوا مستنية اراءكوا و تعليقاتكوا و تطبيقاتكو ممكن تعلقي بدون ما تسجلي اي دخول اختاري بدون اسم و علقي .. اشوفكو البوست الجاي