تعرف علينا

 : ماذا عني 


مجرد بنت بتعشق حاجة اسمها تنظيم و ترتيب .. اول ما اتخطبت و ابتديت اجهز جهازي و انا مهتمة بالتنظيم من اكتر من تلات 
سنين دلوقتي .. مش بس التنظيم لكن كمان الديكور و حلول للاماكن الضيقة .. البيت عندنا لا ضيق اوي ولا واسع اوي .. يعني .. عادي و عشان واخدينه ايجار جديد مكنش ينفع اني اقعد اخرم و اشنير في الحيطان :( لان البيت مش بتاعنا و ف نفس الوقت انا مقدرتش اعمل عفش مخصوص او متفصل على مقاسات الشقة لان احتمال نعزل ف شقة اكبر بمساحات تانية خالص بصراحة كان تحدي كبير اني 
انظم البيت بالمساحات و المقاسات اللي عندي
و من هنا انطلقت و قررت اني اتخصص في الموضوع دا و اعرف عنه اكتر بشكل احترافي و بشكل رسمي و قررت ان اكون خبيرة تنظيم و ترتيب دورت في مصر لكن ملقتش حد يعرف عن البزنس دا لكن الحمد لله اخيرا تخصصت فيه  : إتصل بي

بالتعلم و البحث الكتييييييير اوي اصبح عندي خبرة كبيرة جدا في التنظيم و الترتيب و بقي عندي افكاري الخاصة و الغير مكلفة في تنظيم و ترتيب البيت بطريقة مبتكرة و بسيطة انا نفسي اكونفعلا انا متحمسة جدا اني اشارك معاكو بافكاري دي و الحاجات اللي بصنعها بنفسي و الحمد لله اخيرا اصبحت خبيرة ترتيب و تنظيم المنزل ( بروفيشنال اورجانايزر)  عشان افيدوكوا مستنية اشوف تعليقاتكوا و اراءكوا و ردة فعلكووووووووا جدا استمتعوا بقى 
يسعدني فعلا اني اسمع منكو تعليقاتكو و اقتراحاتكوا و ردود افعالكو و رسايلكوا و اسئلتكوا اكيييييييييييييييييييييييد و هرد عليها بكل سرور و لو عايزين تبعتولي اي حاجة تنظيمية عملتيها حتى لو صغيرة بس ممكن تكون مفيدة لغيرك لو عندك شكوى او اي اقتراح متتردديش في انك تبعتيلي على طول لان اقتراحاتكوا هتتنفذ ف اقرب وقت و هاخدها في عين الاعتبار

متتردديش ثانية في انك تتواصلي معايا على الايميل
sweetntidy@gmail.com

عدد الزيارات