بتضايق اوي لما اجي افتح تلاجة حد من الاقارب او الاصدقاء و الاقي شكلها مزري .. او الاقي الفواكه باظت و عملت مية ف الكيس او الاقي الطماطم بتستغيث او افتح اشم ريحة زتون .. او اشرب المية الاقي طعمها مخلل :'(
دي من احلى البوستات بصراحة اللي حابة اشركمّ معاكوا فيها ... تلاجتي و جولة فيها .. كلكوا اكيد مستنيين البوست ده و انا كمان حابة اعمله
الاول قبل ما نبدأ انا بحب اكتب طوابع على كل حاجة .. انا عارفة ان الناس هتضحك عليا بس بصراحة مش مهم .. انا بحب الطريقة دي و بحس بيها بالترتيب و النظام .. انا بحبها لان كل حد ممكن يفتح التلاجة يحط فيها حاجة اكيد عارف مكان الحاجة دي فين .. ولو ضيفة فتحت التلاجة لاي سبب مثلا عشان تساعدني ف الاكل او حاجة تبقى عارفة كل حاجة فين
تلاجتي لا هي كبيرة اوي و لا صغيرة اوي هي متوسطة الحجم زي بيوت كتير خلينا نبدأ الجولة باول رف ...
هو عبارة عن درج .. بحط فيه كل حاجة البقالة و مسمياه فعلا بقالة .. فيه الحلاوة الطحينية و الجبنة الشيدر و البصل المخلل و الزتون الاسود و الاخضر و الجبنة الرومي و الجبنة البيضة .. كل حاجة بجيبها من البقالة بتبقى في الرف ده .. و زي مانتوا شايفين كله في علب مفيش زتون ف اكياس و لا جبنة ف طبق فلين و كيس النايلون بتاعه مقطوع و مدخل هوا و الجبنة ناشفة.. و ارجوكوا نعمل رف لكل حاجة يعني ده رف البقالة مفيش جواه كيس طماطم و لا بواقي اكل امبارح
تاني رف ده للخضار و الفواكه انا بحب المصافي دي جبتتها من سوبر ماركت كبير .. الواحدة كانت باتنين جنيه و نص و جودتها كانت عالية على فكرة .. بحط فيها الخضار او الفاكهة و انشفها كويس قبل ما احطها ف التلاجة بالطريقة دي بتفضل متهوية و قصاد عيني .. مبتلحقش تبوظ لان في الرايحة شايفاها و ف الجاية شايفاها
الرف التالت برضو خضار و فاكهة انا بجد مش قادرة اقولكوا ع الاحساس الرائع اللي بحسه لما اجي اخد قطعة فاكهة و اكلها بدون ما اضطر اغسلها لان كل حاجة مغسولة و متنشفة و لا لما اجي اعمل سلطة ع التقطيع على طول .. خساية طماطماية خياراية فلفلاية كله ف الطبق وا قعد اقطع .. بجد احساس ملوش مثيل
الرف الرابع للعصاير و بواقي الاكل ...بواقي الاكل بتتحط في علب هااااااااااااا؟ مبصش الاقي طبق بلاستك فيه فول غلبان من بواقي العشا او الفطار و طبق الجبنة جواه يا عيني بتصوت من النشفان و لا الاقي حلة رز محطوطة بحالها و مش لاقيين حلة نعمل فيها الملوخية تاني يوم .. بواقي الاكل في علب و حط ف التلاجة هو دلوقتي مفهوش بواقي هو فيه رنجة الحقيقة يعني لسة متفتحتش بس اول ما بفتحها بحطها ف علبة محكمة الغلق
الدرج بقى عملاه للمنتجات الناشفة اللي بحس انها بتقعد فترة اطول لما تتحط ف التلاجة عندي هنا دقيق درة و جنين القمح و تمر هندي و الناحية التانية الشوكولوتات و اي حاجة ينفع تتاكل بين الوجبات
نخش بقى ع الباب اللي مفهوش نص لمونة محجرة او حتة بصلة مكرمشة..
مش محتاجة حاجة اول رف كان محطوط فيه قوالب البيض من ساعة ما اشتريت التلاجة فاكيد المكان ده احسن مكان للبيض فحاطة فيه البيض و الناحية التانية الادوية اللي بتحتاج انها تتحط ف التلاجة عشان متسيحش و الرف التاني حطة فيه اكل ابني طبعا كل البرطمانات اللي معمولة ف البيت مكتوب عليها دي ايه و اتعملت امتى و صلاحيتها اد ايه
الرف التالت فيه الكاتشب و المايونيز لو تلاحظوا فيه برطمان صغير البرطمان ده فيه الجبنة الرومي لما بتنشف مني بطحنها ف المطحنة و احطها ف البرطمان طبعا بحط منها ع السلطة او فوق البشاميل او المكرونة الاسباجتي .. تحفة بس طبعا بعد ما بقيت احط الجبن في علب مبقيتش تنشف مني و فيه كمان علبة صغيرة شفافة مش فاكرة كنت جايبة لابني فيها ايه تقريبا اللهاية بتاعته خدتها و بحط فيها اكياس الكاتشب الصغيرة اللي بتيجي مع الدليفري بس هي فاضية دلوقتي طبعا زي ما اتفقنا قبل كدة ممكن تحطي الكاتشب و المايونيز و الحاجات جوة قوالب فوم او كرتون او اي حاجة بحيث متلزقش ف التلاجة بس انا مكنش عندي وقت
اخر رف طبعا فيه المية الساقعة و طبعا غيرت من ازايز بلاستك لازايز ازاز احسن و صحي اكتر و الناحية التانية للالبان زي الحليب و الرايب و الزبادي و هكذا
دي كانت جولتي في التلاجة اتمنى تكون عجبتكوا مستنية اشوف تلاجاتكوا و تعليقاتكوا و ردودكوا اي حد ممكن يعلق حتى لو معندكيش ايميل اختاري التعليق بدون اسم لو حابة ... مستنياكوا اشوفكو البوست الجاي
دي من احلى البوستات بصراحة اللي حابة اشركمّ معاكوا فيها ... تلاجتي و جولة فيها .. كلكوا اكيد مستنيين البوست ده و انا كمان حابة اعمله
الاول قبل ما نبدأ انا بحب اكتب طوابع على كل حاجة .. انا عارفة ان الناس هتضحك عليا بس بصراحة مش مهم .. انا بحب الطريقة دي و بحس بيها بالترتيب و النظام .. انا بحبها لان كل حد ممكن يفتح التلاجة يحط فيها حاجة اكيد عارف مكان الحاجة دي فين .. ولو ضيفة فتحت التلاجة لاي سبب مثلا عشان تساعدني ف الاكل او حاجة تبقى عارفة كل حاجة فين
تلاجتي لا هي كبيرة اوي و لا صغيرة اوي هي متوسطة الحجم زي بيوت كتير خلينا نبدأ الجولة باول رف ...
هو عبارة عن درج .. بحط فيه كل حاجة البقالة و مسمياه فعلا بقالة .. فيه الحلاوة الطحينية و الجبنة الشيدر و البصل المخلل و الزتون الاسود و الاخضر و الجبنة الرومي و الجبنة البيضة .. كل حاجة بجيبها من البقالة بتبقى في الرف ده .. و زي مانتوا شايفين كله في علب مفيش زتون ف اكياس و لا جبنة ف طبق فلين و كيس النايلون بتاعه مقطوع و مدخل هوا و الجبنة ناشفة.. و ارجوكوا نعمل رف لكل حاجة يعني ده رف البقالة مفيش جواه كيس طماطم و لا بواقي اكل امبارح
تاني رف ده للخضار و الفواكه انا بحب المصافي دي جبتتها من سوبر ماركت كبير .. الواحدة كانت باتنين جنيه و نص و جودتها كانت عالية على فكرة .. بحط فيها الخضار او الفاكهة و انشفها كويس قبل ما احطها ف التلاجة بالطريقة دي بتفضل متهوية و قصاد عيني .. مبتلحقش تبوظ لان في الرايحة شايفاها و ف الجاية شايفاها
الرف التالت برضو خضار و فاكهة انا بجد مش قادرة اقولكوا ع الاحساس الرائع اللي بحسه لما اجي اخد قطعة فاكهة و اكلها بدون ما اضطر اغسلها لان كل حاجة مغسولة و متنشفة و لا لما اجي اعمل سلطة ع التقطيع على طول .. خساية طماطماية خياراية فلفلاية كله ف الطبق وا قعد اقطع .. بجد احساس ملوش مثيل
الرف الرابع للعصاير و بواقي الاكل ...بواقي الاكل بتتحط في علب هااااااااااااا؟ مبصش الاقي طبق بلاستك فيه فول غلبان من بواقي العشا او الفطار و طبق الجبنة جواه يا عيني بتصوت من النشفان و لا الاقي حلة رز محطوطة بحالها و مش لاقيين حلة نعمل فيها الملوخية تاني يوم .. بواقي الاكل في علب و حط ف التلاجة هو دلوقتي مفهوش بواقي هو فيه رنجة الحقيقة يعني لسة متفتحتش بس اول ما بفتحها بحطها ف علبة محكمة الغلق
الدرج بقى عملاه للمنتجات الناشفة اللي بحس انها بتقعد فترة اطول لما تتحط ف التلاجة عندي هنا دقيق درة و جنين القمح و تمر هندي و الناحية التانية الشوكولوتات و اي حاجة ينفع تتاكل بين الوجبات
مش محتاجة حاجة اول رف كان محطوط فيه قوالب البيض من ساعة ما اشتريت التلاجة فاكيد المكان ده احسن مكان للبيض فحاطة فيه البيض و الناحية التانية الادوية اللي بتحتاج انها تتحط ف التلاجة عشان متسيحش و الرف التاني حطة فيه اكل ابني طبعا كل البرطمانات اللي معمولة ف البيت مكتوب عليها دي ايه و اتعملت امتى و صلاحيتها اد ايه
الرف التالت فيه الكاتشب و المايونيز لو تلاحظوا فيه برطمان صغير البرطمان ده فيه الجبنة الرومي لما بتنشف مني بطحنها ف المطحنة و احطها ف البرطمان طبعا بحط منها ع السلطة او فوق البشاميل او المكرونة الاسباجتي .. تحفة بس طبعا بعد ما بقيت احط الجبن في علب مبقيتش تنشف مني و فيه كمان علبة صغيرة شفافة مش فاكرة كنت جايبة لابني فيها ايه تقريبا اللهاية بتاعته خدتها و بحط فيها اكياس الكاتشب الصغيرة اللي بتيجي مع الدليفري بس هي فاضية دلوقتي طبعا زي ما اتفقنا قبل كدة ممكن تحطي الكاتشب و المايونيز و الحاجات جوة قوالب فوم او كرتون او اي حاجة بحيث متلزقش ف التلاجة بس انا مكنش عندي وقت
اخر رف طبعا فيه المية الساقعة و طبعا غيرت من ازايز بلاستك لازايز ازاز احسن و صحي اكتر و الناحية التانية للالبان زي الحليب و الرايب و الزبادي و هكذا
ليست هناك تعليقات:
إرسال تعليق