انا متحمسة جدا اني اشارك معاكو المشروع العبقري ده .. شكله حلو جدا .. لازم اعترف اني مجنونة اكسسوارات .. و عندي خرز بالعبيييييط و لوقت طويل جدا مكنتش عارفة اخزنهم فين كانوا متخزنين في الكيس بتاعهم و كان شكله وحش جدا و كلهم كانوا متكومين فوق بعض ف كيس بلاستك و كان شكلهم مزري لحد ما لقيت البرطمانات البلاستيك دي
كان عندي منها طن دول اصلا كانوا بتوع فول سوداني جوزي بيحبه جدا فخدتهم و حطيت فيهم الخرز اللي عندي بكميات كبيرة كنت بصراحة حابة استخدمهم للنواشف بس مش متاكدة من خامة البلاستك كويس .. فقررت اخليهم للخرز
محبتش برضو شكلهم خالص البلاستك رديء كدة و مش شايفة منه حاجة .. فقررت اعملهم كفرات كروشيه .. انا بحب الكروشيه بس يعني مش شاطرة فيه اوي على ادي
كان عندي منها طن دول اصلا كانوا بتوع فول سوداني جوزي بيحبه جدا فخدتهم و حطيت فيهم الخرز اللي عندي بكميات كبيرة كنت بصراحة حابة استخدمهم للنواشف بس مش متاكدة من خامة البلاستك كويس .. فقررت اخليهم للخرز
محبتش برضو شكلهم خالص البلاستك رديء كدة و مش شايفة منه حاجة .. فقررت اعملهم كفرات كروشيه .. انا بحب الكروشيه بس يعني مش شاطرة فيه اوي على ادي
بصراحة بعد العملية الجراحية دي شكلهم اختلف مية و تمانين درجة بقى شكلهم حلو جدا جدا الطريقة اني بدأت اعمل دايرة قطرها 9 سم و بعدين كملت باعمدة داير ما يدور لحد ما الكيس يبقى بطول العلبة و رحت مدككة ف الفتحة خيط و قفلت على العلبة من فوق بالخيط
شكلهم بقى حلو اوي بعد ما لبسوا هدوم صح :) :) عملتلهم كمان شباك صغير خالص كدة عشان اقدر اشوف منه جواهم ايه و طبعا عملته قريب من القعر عشان اقدر اشوف ايه اللي جوة مهما كانت كميته قليلة... عشان تعملي الشباك ده و خلينا نتخيل ان عرضه اربع اعمدة بتيجي فأخر السطر و تسيبي اخر اربع اعمدة مبتقفليش السطر بتاعك .. بترجعي تعملي السطر اللي فوقه و تيجي عند اخر اربع اعمدة برضو و متكمليش و ترجعي و هكذا لحد ما توصلي لطول الشباك الي عاوزاه و تروحي قافلة السطر باربع سلاسل و تطلعي تكملي السطر اللي بعده عادي
و ده الشكل النهائي
مستنية اشوف تعليقاتكو ممكن تعلقي بدون ما تسجلي اي دخول اختاري بدون اسم و علقي اشوفكو البوست الجاي
ليست هناك تعليقات:
إرسال تعليق